 |
| Mirchi Price Today |
సరికొత్త రికార్డు సృష్టించిన మిర్చి ధర.. వరంగల్ జిల్లా ఏనుమాముల మార్కెట్ లో ఆల్ టైమ్ హై రికార్డు.. దేశీ మిర్చి ధర రూ.90 వేలు.. మార్కెట్ చరిత్రలో ఇదే అత్యధిక రికార్డు కావడం విశేషం.. హనుమకొండ జిల్లా పరకాల మండలం హైబత్ పల్లికి చెందిన అశోక్ అనే రైతు మిర్చి మార్కెట్కు తీసుకురాగా, మాధవి ట్రేడర్స్ వ్యాపారులు రైతు తెచ్చిన మిర్చిని విక్రయించారు.. లక్ష్మీ సాయి ట్రేడర్స్ వారు రూ. 90 వేలు రేటు తో కొనుగోలు చేశారు. క్వింటాలుకు రూ.90 వేలు.. అశోక్ తీసుకొచ్చిన ఒక్క మిర్చి బస్తాకే అత్యధిక ధర పలికింది. మిగిలిన బస్తాలకు సాధారణ రేట్లు లభించగా.. మొత్తానికి.. మిర్చి ధర పెరగడంతో రైతులు ఈ సంవత్సరం సంతోషం వ్యక్తం చేస్తున్నారు. రైతు అశోక్ తెచ్చిన మిర్చి కి మంచి ధర రావడం తో రైతు సంతోషం తో బయలుదేరారు.
జూలైలో వండర్ హాట్ రకం మిర్చి క్వింటాల్కు అత్యధికంగా రూ. 32,500.. సెప్టెంబర్ నెలలో అత్యధిక ధర రూ. 35,500లకు అమ్ముడుపోయింది. ఇప్పుడు దేశీ మిర్చి 90 వేల.. రూపాయలకు చేరుకుని మిర్చి అన్ని రికార్డులను బద్దలు కొట్టింది. అకాల వర్షాలు, వైరస్ తెగుళ్లతో ఇబ్బంది పడుతున్న మిర్చి రైతులు మార్కెట్లో మంచి ధర రావడం తో రైతులు ఆనందం వ్యక్తం చేస్తున్నారు. పెట్టుబడులు కూడా వస్తాయో లేదోనన్న భయాందోళనలో ఉన్న రైతులు ఈ రికార్డు ధర కొత్త ఊరటనిస్తోంది. ఇన్ని రోజులుగా మిర్చి అమ్మడం కోసం ఎదురుచూస్తున్న మిర్చి రైతులు మార్కెట్కు లైన్ కడుతున్నారు.